من أنا

صورتي
يامن سألتِ الناس عني إنني = رجلٌ جنون العشق في صفحاتي

الاثنين، 12 سبتمبر، 2011

إمرأة


في عيني فرحٌ
وبكاء
في قلبي خوف
و رجاء
وفي حلمي ولِدت
امراةٌ
خُلقت من طين
الإغراء



إمرأةٌ تتوسد قلبي

وتنادم
عشقاً أضلاعي
تتنفس تنهيدة صدري
وتقاسم روحي
أوجاعي
وتدندنُ أجملَ أغنيةً
تُـطرب لصداها
أسماعي



امرأةٌ
تبتهج الدنيا لبسمتها
تختال الأرض لخطوتها
ويهتز الكون من أدناه
إلى أقصاه
لدمعتها


امرأةٌ
تتربعُ عرشي
بيديها تصنع أفراحي
إن شاءت
أو تصنعُ نعشي
امرأةٌ
تقفُ على رمشي
تتسلق جدران طموحي
و في أوردتي
بثقةٍ تمشي





الأربعاء، 7 سبتمبر، 2011

تسأليني عن غلاك ..


تسأليني عن غلاك ..
الله يا كُبره غلا ..
فاق معنى الحب كله
واحتوى كل الغلا ..
لو وصفته بالقصيد .. بأكتبه بدم الوريد
وما أمله .. لو أظل أشطب واعيد
لأنه على مر الزمان .. غلاك يا عمري يزيد



ولو وصفته بالحكي ..
الهوى غصبن يغار ويشتكي
يغار يوم أفرح معك ..
ويشتكي يوم الحكي يصبح بكي



لا تعجبي وتستغربي ..
لو قلت لك إنتي الأمل .. يا حلمي اللي ما أكتمل
وجرحي القديم .. أخاف يبرى ويندمل



تبغي الصحيح :
ودي نظل ريشة وريح ..... ما نستريح
وأبقى معك .. 
ساعة سعيد .. وساعة جريح ..... ما نستريح



ودي أحس إني طفل .. يشوف وجهك يوم عيد
ودي على يدك أموت .. مثل الشهيد
في الحب اُبعث من جديد



يللي فيك الليل صفحة .. وحبي لك كلمات نور
حبنا يا زين صرحة .. صدق وإخلاص وغرور



ودي أصرخ : أعشقك
مهما تغلي ألحقك ..
وبكل لهفة بنار صدري أحرقك ..
بشوقي اللي لك يقيد ..



ناظري في ساعتك .. واحسبي نبض الثواني
اسأليها عن وجودي في حياتك .. عن مكاني
وكيف صارت مثلك أنتي تفتقد لمسة حناني
بين فرقانا ولقانا كيف تطوينا الأماني...؟



أبتعد عنك معك .. لو ما شفتك ( اسمعك .. )
وأنتي نفس الشيء مثلي
في الحقيقة .. في خيالك ..
حتى وأنتي بمخدعك
أبقى معك ..
من بقول إن الحبيب في بُعد الحبيب
يبقى وحيد
(  إلا العتيد..)
لو بيننا جدر وحديد ..
ولا يواصلني البريد ..
أبقى معك
في داخلك نبضات روح ..
عن عالمك ترفض تروح ..
لأني معك_ دايم معك_ ماني وحيد




تسأليني عن غلاك ..؟!!!!!!!
وانتي مثل الثدي عندي
وآنا طفل أبكاه جوع ..؟
مجبور على بعض الخضوع ..
لصدر أمه .. يشتهي بلهفة تضمه ..
وكل همه صار ( ديد ..)
لو ترده ماله حيله .. يمسح الدمعه بكمه
لين تلمه
أمه الحضن الفريد ..



تسأليني عن غلاك ؟!!!!
وانتي لي كل الحياة .. وحلم العمر
واني بدونك مالي على الدنيا صبر
نعم أحبك
أهيم .. أصرخ .. أفتخر
إنك حبيبة خاطري ..
وإن حصل مرة اختلفنا
ضدي تكون مشاعري ..
وتوقف معك ..
حبيبتي :
كل الظنون ممكن تكون
إلا إني أبعد وأخدعك ..
هذا محال .. حتى في حلمي والخيال
حبك كبير .. حبك يمون
لكن يا عمري ما يهون ..
لأنه بقلبي والوريد .. دايم يزيد
تسأليني عن غلاك ..؟!!!!!!!!!
:
:
تسأليني عن غلاك ..