ودي أبكي ..

ودي أبكي ..

ماني قادر..

الدمع اصبح جفاف

ودي أشكي

.. بس فاكر..إني من هجرك أخاف

يا ضعيف النفس وينك..؟

انطفى شمعي بإدينك

وصار هجرانك أليم ..

والعهد بيني وبينك

الحشا  وياك حاير ..

مالقى لبحرك ضفاف

ودي أبكي ..

ماني قادر..الدمع أصبح جفاف

كل كلمة قلتها لي ..

كل لحظة وصفتها لي

عمر في حبك جديد

والله لو تدري ياغالي ..

كيف تطويني الليالي

كنت ما تبعد بعيد

صرت قاسي ..

تهوى تتركني اقاسي

ومتعتك جرحي يزيد

صرت باحساسك تقامر ..

صرت تجرح ما تخاف

ودي أبكي .. ماني قادر ..

الدمع أصبح جفاف

ما بقى عندي حكي ..

انتهــــى كـــل الكــلام

قلب يبكي ويشتكي ..

وقلب عايش في سلام

هذا حظي للأسف ..

احساسي لحدودك وقف

واللي عشته في غيابك ..

صعب أنه ينوصف

لا تعاند أو تكابر ..

انقفل باب الخلاف

ودي أبكي ..

ماني قادر ..

الدمع أصبح جفاف

Widget for blogger by WidgetBlogs